كلمات قصيده ميعاد مناسب للقيامه للشاعر عمرو حسن

في ظرف غير الظرف ده
كان ممكن اشرب كاس و اهلفط بالكلام
او اجر نفسي من سكات
تلاقوني متعلق في يافته اعلانات
مشنوق .. بوجعي من اللي فات او ماللي جي
لكن الدراما بتقترح اني ابقي حي
دوري اللي مكتوب عالورق
بالجبر
عامل نظافه في بار
او صوت موسيقي في قبر
او شخص مستعجل
علي عمر مابيمشيش
كل الحشيش بيودي علي نفس الطرق
كل الطرق بتودي لسيجاره الحشيش
مكتوبلي اعيش
و احضر زمن مجرم
زمن ردئ و سخيف
انظر علي الاوطان في حرب رغيف
و اشوف وشوش الناس و هيه اوكازيونات للحزن
اخد بشر بالحضن يتلاشو
اشوف كلاب الليل و اوباشه
و هما عالقمر الصناعي نجوم
اشوف بشر بتحوم
لابسين رقاب البوم و بينهشو السهره
كان حظي
احضر مظاهره و مانكتبش قتيل
اشوف دخول الفيل
ناحيه بلاد النمل
و افضل لاخر وقت
انا سرقت يا عمنا ولا اتسرقت
الدنيا فرقت عن ما كنت بدأت
و بقيت راكور في حكايه بايخه و ممله
والله
لولا اللي باقي في برطمان النوتيلا
و لولا بس الدنيا مسكالي زله معلقاني بحد ولا اتنين
انا كنت هاتحول سحاب عيان
و اعطس مطر في بلاد ماتعرفنيش
..
كل الحشيش بيودي علي نفس الطرق
كل الطرق بتودي لسيجاره الحشيش
يسعدني اقدملكم في هذه السهره
اول مهرج مكتئب مع بعض
سيرته الذاتيه معاه في كرتونته
منتج اصيل لزبونه و زبونته
و معاه فاتوره
بسعره و بنوعه
قد يبدو ليكم قلبه في ضلوعه
و يجوز تحسو بيه بيتنفس لكن
ماتتضايقوش
كل الكلام ده
بسيط و مش هايدوم
رجيه كده حضرتك
رجيه شديه اقفليه و افتحيه .. شغال ..؟
عالبركه
انا العروسه البلاستيك
بالونه الوحده
هُزي إليكي بديسمبر و انتي تتأكدي
ان اللي قرب ينتهي بيبتدي
كاسك فضي
و انا مش رخام .. يا مدام
انا المواد الخام للأمنيات و الخوف
بادفي وجعي بذكريات الصوف
و اظهر في 100 صوره
..
انا الرابع ورا في عربيه الاقاليم
جي من بلد مظاليم
للعاصمه الظالمه
انا الايد الخبيثه في جسمك الضلمه
و اها الراديو علي الموجه اللي بتغرق
..
كدب المرايه اللي لون خدك التفاح
و انا اللي سلم للشتا المفتاح
في مفاجأه متوقعه بالنسبه للجمهور
فإياك يغرك ما رأيته علي الافيش
كل الحشيش بيودي علي نفس الطرق
كل الطرق بتودي لسيجاره الحشيش
..
ازاي اقوللك اني في ديسمبر
باحتفل بمرور سنه علي شهر اكتوبر
و بيننا اصحابي خدتهم مهله الترنيم
..
انما بالبدله الرسميه
باستلم السعفه الذهبيه لاكتر واحد بيسيب
جربت خسرت
جربت كسبت
لما شبعت مالتجريب
حظي بيشبه ضلي
كل مابحضر بيغيب
يا مين يرجعني لزمن فايت علشان اكرر كل شئ تاني
من غير خلل في الصوره ولا تغيير
بضمير
واحد حابب يمشي و رافض يوصل
لو كنتي استنيتي شويه
والله ما كان حاجه هاتحصل
كنا هانتعاتب و هانوصل للحل اللي احنا و صلناله
الحب ان شافنا علي ظروفنا
هايفكر يصعب علي حاله
شاعر و الشارع اوحاله
ينسي الاشياء بحاجات غيرها
فيما عدا حاجه
متعلق من يوم ماخسرها

تعليقات

إرسال تعليق

المشاركات الشائعة من هذه المدونة

كلمات قصيده مابتحبكش للشاعر عمرو حسن

مابتحبكش تتعب ليه وتزرع ارض مش ارضك و ليه سهران ليه قلقان و مش نايم ليه قاعد و ليه قايم تجيب في سيرتها و مشاعرك تسيل ع الارض مابتحبكش والله كل اللي اتعمل بينكم حكايه وقت مش اكتر كلامه كله كان عادي و وردك كمان عادي وردك مرمي في الشارع من الشباك بتضحكلك و تبقي معاك و تحلفلك تكون وياك و وقت ما تمشي بتسيبك تاريخ مهجور حكيت للكل عنها بدون ماتتكلم حكيت وياها عن نفسك فتاجرت بيك و اديها ياسيدي بتعايرك بأسرارك و بعياطك قصاد منها تجيب سيرتك و اخبارك و تحبكها بدموع عينها ولا صانت كلام بينكم ولا عرفت تراعي حتي حلفانها يا راجل دانتا علشانها بقيت واحد ماتشبهلكش مابتحبكش والله .. قصه الحب الكبيره صورك السيلفي الاخيره اتصال بليل يضايقك تزعلو تفضوها سيره انت طيب .. بس غامض هيه عاوزه حاجات كتيره و انت ايه غير سُكر بَيِّن من حياه منطقها .. بيره لون هدومك برفاناتك كلمه السر في حياتك الإضائه الخافته و المزيكا و انتا - اعمل ايه لو توحشيني ؟ = انسي و اعرف واحده تانيه - بس انا شايلك في عيني = حظنا نبعد دي دنيا - انتي قصدك تقتليني ؟؟ = انت ميت كل ثانيه المحطات البع
قراءة المزيد

كلمات قصيده الشتا للشاعر عمرو حسن

                      ..   قصيده الشتا  ..                            .. للشاعر عمرو حسن .. القهوه من كتر الكتابه عنها .. باخت فيه حاجات زياده مدحها .. لعنه يا رب هبنا قهوه تشبه حزننا و ادينا شخص اصم .. يسمعنا و ادينا قلب نروحلو .. مايخونناش و ادينا حضن نبوحله .. فايساعنا صدرك .. شوارع ذكرايات تايهين و الحزن شاعر له هدوئه و حكمته سألو الكمان يا هل تري بتحب مين .. ؟ داق المكان مافضلش غيرها في رنته اتنين في حرب و خرجو الاتنين مقتولين فحضنها هربت منه رجعت حضنته مين اللي سلم للشتا المفتاح ..؟ طعم الحاجات الدافيه في الليل و المطر ذهدك في كل الهربانين من جنتك بنت كانت حبتك يا عبيط حبيتها ليه ساعت ماكانت كرهتك و ازاي بتعمل من سجايرك بالونات و تسيبها تطلع للسما دخان ... بنت مشيت و انت مُتّ عشان دخنت نفسك في الصحاب سرطان و عطشت من شرب السما في البحر و البحر من كتر الغرق عطشان فبلاش تفكر كل ماء يرويك اياك تفكر كل حضن شاريك فكرت يوميا في كل الناس و نسيت تفكر في اللي فكر فيك ... في الليل مساحه اسمها الارشيف كل الشوارع و الصور و الذكريات كل الحاجات بتتطل من ذكري
قراءة المزيد

كلمات قصيده خلينا اصحاب للشاعر عمرو حسن

                       قصيده خلينا اصحاب                         للشاعر عمرو حسن خلينا اصحاب شايفاك انسان طيب حساس راجل و رقيق تنفع كصديق لكن كحبيب عمري مافكرت تستاهل احن مني كتير والله يا واد لاهاجيبهالك والله يا واد لاهاجيبهالك عايزين نفرح بقي بعيالك بحبك جدآ صدقني و جوايا حاجات بس احنا اخوات سكتت و سكت مشيت و وقفت و كإن الدنيا بتتحول اسود بهتان لون انا مش عارفه لحد الان كان فيه خيط مزيكا حزين طالع من مطرح وقفتها انا حبيتها ام ان الامر بحاله سراب قلتلها بصي انا رافض نبقي اصحاب ياتكوني معايا ياماتكونيليش سكتت لحظه علشان كانت هيه ملاحظه ان انا مكسور و بهددها مدت ايدها مسكت ايدي قالتلي خلاص فك ياسيدي عازماك علي قهوه ماتكسفنيش كانت فاهمه ان الموقف صعب و الصعب حبيبتك تتعاطف علشان تواسيك فاأخدت قرار اني انساها من يوما و انا بدونها معاها براقبها بعين عيل محروم و باقول ماطلبش و اكلمها و بافكر هيه بتعرف مين بتكلم مين و باموت لو كانت باصاله اصبحنا لاننفع متصاحبين .. ولا عدنا صحاب و بقينا برغم اللي مابينا اتنين اغراب 90% من الاشخاص المكتئبين بيحسو حنين ل
قراءة المزيد